Sími 441 9860

Þjónusta við einstaklinga með skerta starfsgetu

Þjónusta við einstaklinga með skerta starfsgetu

Fötluðum einstaklingum og öðrum með skerta starfsgetu stendur til boða að koma í tímabundna starfsprófun og starfsþjálfun í Örva (sjá umsóknarferli hér). Markmiðið er að sem flestir þjónustunotendur geti átt þess kost að starfa á almennum vinnumarkaði að lokinni prófun og þjálfun í Örva. Þessi þáttur starfseminnar greinir Örva frá öðrum vinnustöðum fyrir fatlaða. 

Grundvöllur faglegs starfs Örva er að líkja í sem allra flestu eftir þeim aðstæðum sem starfsmenn koma til með að standa frammi fyrir á almennum vinnustöðum. Almennt gilda sömu reglur í Örva og á vinnustöðum á almennum vinnumarkaði.

Reynslan hefur sýnt að starfsprófun og starfsþjálfun í Örva auðveldar einstaklingum að fóta sig á almennum vinnumarkaði. Að lokinni þjálfun í Örva stendur til boða stuðningur starfsfólks Atvinnu með stuðningi.