Starfskjör

Vegna tekna af framleiðslu og þjónustu hefur Örvi alla tíð greitt allan almennan rekstrarkostnað og annast kaup og innflutning á hráefni til framleiðslunnar. Auk þess greiðir Örvi laun allra launaðra einstaklinga í þjálfun. Kópavogsbær greiðir hins vegar húsnæðiskostnað og laun fastráðinna starfsmanna; forstöðumanns, verkstjóra, starfsráðgjafa og fulltrúa á skrifstofu.

Einstaklingar í þjálfun geta fengið laun hjá Örva samkvæmt samkomulagi ASÍ og Hlutverks og kjarasamningi Örva og Eflingar stéttarfélags. Að lokinni átta vikna ólaunaðri starfshæfingu er framkvæmt mat á vinnugetu til ákvörðunar launa og geta einstaklingar átt kost á launum, allt eftir því hver niðurstaða matsins er. Þeir sem uppfylla skilyrði til launa fá ýmist 30% eða 50% af umsömdum taxta og er þetta mat framkvæmt með reglulegu millibili, bæði hjá launuðum sem og ólaunuðum starfsmönnum.