Fréttir
Vorferð Örva 2016
Vorferð á Akranes
Starfsmenn Örva fóru í hina árlegu vorferð nú í vikunni. Að þessu sinni var ferðinni heitið á Akranes. Við heimsóttum Fjöliðjuna sem er vinnustaður fyrir fatlaða þar sem bæði er boðið upp á starfsþjálfun og verndaða vinnu. Við litum einnig við í Búkollu sem er nytjaverslun með notaða hluti og er í samstarfi við Fjöliðjuna.
Eftir hádegismat var haldið á Safnasvæðið á Akranesi þar sem við fræddumst um búsetu og lifnaðarhætti forfeðra og -mæðra okkar en einnig um íþróttaafrek Íslendinga í hinum ýmsu greinum. Á heimleiðinni keyrðum við Hvalfjörðinn með viðkomu í Ferstiklu þar sem við gæddum okkur á ljúffengum ís.
Myndir frá ferðinni eru á facebook síðu Örva.