Starfsemin eftir Covid-lokun gengur vel
Eftir nokkurra vikna lokun hér í Örva vegna Covid-19 veirunnar í samfélaginu opnuðum við aftur að hluta þann 4. maí síðastliðinn. Við fórum rólega af stað og skiptum vöktunum á milli okkar og hófum svo fulla starfsemi 25. maí þar sem allir starfsmenn gátu þá unnið samskvæmt sinni dagskrá. Bil á milli einstaklinga var passað og vaktir ekki látnar hittast á vaktaskiptum til að aðgreina hópana ef smit kæmi upp og höldum við því fyrirkomulagi áfram eitthvað fram á haustið að minnsta kosti.
Sóttvarnir hafa verið í forgrunni og snertifletir sótthreinsaðir með reglulegu millibili. Við leggjum, líkt og áður, ríka áherslu á almennt hreinlæti og höfum aukið handþvott og handsprittun í takt við tilmæli almannavarna.
Þetta hefur gengið afar vel hjá okkur, allir verið frískir, og höldum við áfram að fylgja sóttvarnartilmælum eins lengi og þarf.