Örvi 35 ára!

25.2.2019

Örvi fagnaði 35 ára afmæli í gær, sunnudaginn 24. febrúar, og var haldið upp á áfangann með tertum á föstudaginn. Mikið vatn hefur runnið til sjávar á þessum uppvaxtarárum Örva og má lesa nánar um söguna hér. Fyrst um sinn var starfsemin staðsett í kjallara hjúkrunarheimilisins Sunnuhlíðar en síðustu 32 ár hefur Örvi verið í björtu og rúmgóðu húsnæði hér á Kársnesbrautinni. Verkefni og áherslur hafa tekið breytingum í gegnum tíðina en Örvi heldur þó ávallt sérstöðu sinni hvað varðar þjálfun og undirbúning einstaklinga fyrir þátttöku á almennum vinnumarkaði. Í dag er verkefnastaða og nýting þjónustuúrræða góð og horfum við bjartsýn til framtíðar.